စီးရီးအေ ကလပ် လာဇီယိုက လက်ရှိ ရာသီမှာ ရလဒ်တွေ ဆိုးရွားနေတာကြောင့် နည်းပြ မော်ရီဇီယို ဆာရီရဲ့ အနာဂတ် ကတော့ အာမခံချက် မရှိ ဖြစ်နေပါတယ်။ ဒါ့အပြင် အီတလီ မီဒီယာတွေရဲ့ ဖော်ပြချက်အရ တစ်ဖက် မှာလည်း အသင်းဟောင်း နာပိုလီထံ ပြန်လည် ပြောင်းရွှေ့ဖွယ် ရှိကြောင်း သတင်းတွေ ထွက်ပေါ်နေပါတယ်။
လာမယ့် စနေနေ့မှာ လာဇီယိုက နာပိုလီနဲ့ စီးရီးအေ ပွဲစဉ် ကစားရဖို့ ရှိနေပါတယ်။ လက်ရှိ နာပိုလီဟာ အဆင့် (၂) နေရာကို ခိုင်မာအောင် ကြိုးစားနေပြီး ချန်ပီယံ ဖြစ်ဖို့ သေချာသလောက် ရှိနေတဲ့ အင်တာမီလန်နဲ့ ရမှတ် ကွာဟချက် မကြီးမားစေဖို့ ထိန်းသိမ်းနေရပါတယ်။ တစ်ဖက်မှာ လာဇီယို ကတော့ အဆင့် ၁၀ နေရာ အထိ ကျဆင်းနေပြီး ဥရောပ ဝင်ခွင့်ရမယ့် အဆင့် ၇ နေရာနဲ့ ၉ မှတ် အထိ ကွာဟနေတာကြောင့် လာမယ့် ရာသီ ဥရောပ ပြိုင်ပွဲ ဝင်ခွင့် ရဖို့ မရေမရာ ဖြစ်နေတယ်။
ဆာရီဟာ ပြီးခဲ့တဲ့နှစ် ဇွန်လ ကမှ လာဇီယိုကို ဒုတိယအကြိမ် ပြန်လည် ရောက်ရှိလာခဲ့ပေမယ့်လည်း ရလဒ်မကောင်းတာကြောင့် အနာဂတ် အတွက် မေးခွန်းထုတ်ခံနေရပါတယ်။ လက်ရှိ နာပိုလီ နည်းပြ အန်တိုနီယို ကွန်တီဟာ အီတလီ လက်ရွေးစင် အသင်းကို ပြန်လည် သွားရောက်ဖွယ် ရှိနေတာကြောင့် သူ့ရဲ့ နေရာမှာ ဆာရီကို အစားထိုးဖို့ နာပိုလီက ပစ်မှတ်ထားနေပါတယ်။ ဆာရီဟာ ၂၀၁၅ ခုနှစ် ကနေ ၂၀၁၈ ခုနှစ် အထိ နာပိုလီကို ကိုင်တွယ်ခဲ့စဉ်က နိုင်ပွဲ ရာခိုင်နှုန်း ၆၉ ရာခိုင်နှုန်း အထိ ရှိခဲ့ပြီး အသင်းသမိုင်း တလျှောက် အမြင့်ဆုံး စွမ်းဆောင်ရည်ရှင် ဖြစ်ခဲ့ပါတယ်။
ပြီးခဲ့သည့် တနင်္လာနေ့က ဖီအိုရင်တီးနားကို ၁-၀ နဲ့ ရှုံးနိမ့်ခဲ့တဲ့ ပွဲအပြီးမှာ ဆာရီက သူ့ရဲ့ အနာဂတ်နဲ့ ပတ်သက်ပြီး အခုလို ပြောကြားခဲ့ပါတယ်။ “ကျွန်တော့် အနာဂတ် အတွက်တော့ မစိုးရိမ်ပါဘူး။ လာဇီယို အတွက် ကတော့ အသင်းရဲ့ အစီအစဉ်က ဘာလဲဆိုတာ စောင့်ကြည့်ရမှာပါ။ ရိုးရိုးသားသား ပြောရရင် ဒီရာသီက ကျွန်တော့် အတွက်တော့ တကယ့်ကို ဆိုးရွားလွန်းလှပါတယ်။ ပြဿနာတွေ အများကြီး ရှိခဲ့တယ်။ အသင်း ဘက်က ဘာတွေ စဉ်းစားထားသလဲ ဆိုတာ ကြည့်ပြီးမှပဲ ကျွန်တော့် ဘက်က ဘာဆက်လုပ်မလဲဆိုတာ ဆုံးဖြတ်ရမှာပါ။” လို့ ဆာရီက ပြောကြားခဲ့ပါတယ်။
အခုလာမယ့် ပွဲအတွက် စောင့်ကြည့်ရမယ့် ကစားသမားတွေ ကတော့ နာပိုလီ ဘက်က စကော့တ် မက်တော်မီနေးနဲ့ လာဇီယို ဘက်က အက်ဒိုအာဒို မော့တာ ဖြစ်ပါတယ်။ စကော့တ် မက်တော်မီနေးဟာ နောက်ဆုံး ၅ ပွဲမှာ ၃ ဂိုး သွင်းယူထားပေမယ့်လည်း အဲဒီဂိုး အားလုံး ကတော့ အဝေးကွင်း ဂိုးတွေ ဖြစ်ပါတယ်။ မက် တော်မီနေးက အိမ်ကွင်းမှာ ဂိုးမသွင်းနိုင်တာဟာ ၅ ပွဲ ဆက်တိုက် ရှိနေပြီ ဖြစ်သည်။
လာဇီယို ဂိုးသမား မော့တာ ကတော့ ဒီရာသီ စီးရီးအေမှာ ကာကွယ်မှု အကောင်းဆုံး ဂိုးသမားတွေထဲက တစ်ဦး ဖြစ်ပါတယ်။ အဓိက ဂိုးသမား ပရိုဗီဒဲလ် ဒဏ်ရာရနေချိန်တွင် သူ့အတွက် လက်စွမ်းပြဖို့ အခွင့်အရေးကောင်း ဖြစ်ပါတယ်။
ကိန်းဂဏန်းတွေအရ နာပိုလီဟာ လာဇီယိုနဲ့ တွေ့ဆုံခဲ့တဲ့ ၁၃၉ ပွဲမှာ ၅၅ ပွဲ အထိ အနိုင်ရထားပါတယ်။ အထူးသဖြင့် ကွန်တီရဲ့ အသင်းက နောက်ဆုံး ၆ ပွဲမှာ ရမှတ် ၁၈ မှတ် အနက် ၁၆ မှတ် အထိ ရယူထားနိုင်ပြီး အိမ်ကွင်း မှာလည်း ၂၀၂၄ ခုနှစ်၊ ဒီဇင်ဘာလ ကတည်းက ရှုံးပွဲ မရှိသေးပဲ ၂၆ ပွဲ ဆက်တိုက် (၁၉ ပွဲ နိုင်၊ ၇ ပွဲ သရေ) မှတ်တမ်းကောင်း ပိုင်ဆိုင်ထားပါတယ်။ ဒါ့ကြောင့် လက်ရှိ ခြေစွမ်းနဲ့ အိမ်ကွင်း မှတ်တမ်းတွေအရ နာပိုလီ အသင်း အနိုင်ရရှိဖို့ ပိုမို ရေပန်းစားနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
