ချဲလ်ဆီး အသင်းဟာ တနင်္ဂနွေနေ့က မလေးရှား ချန်ပီယံ ဂျိုဟိုးဒါရု တက်ဇင်နဲ့ ၃ ဂိုးစီ သရေကျခဲ့ပြီး သူတို့ရဲ့ အာရှ ရာသီကြို ခြေစမ်းပွဲ ခရီးစဉ်ကို အဆုံးသတ်လိုက်ပါတယ်။ ဒီပွဲဟာ ဂျကာတာမှာ အေစီမီလန်ကို ၃-၀ နဲ့ အနိုင်ရခဲ့တဲ့ ပွဲအပြီး ၂၄ နာရီ အကြာမှာ ကစားခဲ့တာ ဖြစ်လို့ နည်းပြ ဇာဘီ အလွန်ဆို အနေနဲ့ ပွဲထွက် လူစာရင်းကို အကြီးအကျယ် အပြောင်းအလဲ ပြုလုပ်ခဲ့ရပါတယ်။
ချဲလ်ဆီးရဲ့ တိုက်စစ်ကို လီယမ် ဒီလက်ပ်က ဦးဆောင်ခဲ့ပြီး ပွဲချိန် ၆၂ မိနစ်မှာတင် ပယ်နယ်တီ ၂ ကြိမ် စလုံးကို တိတိကျကျ ကန်သွင်းယူကာ အသင်းကို ဦးဆောင်ဂိုးတွေ ရယူပေးခဲ့တာပါ။ ပွဲအစောပိုင်း မှာတော့ မလေးရှား လက်ရှိ ချန်ပီယံ JDT အသင်းက အာရစ်ဖ် အိုင်မန်ရဲ့ အနီးကပ် ပိတ်သွင်းဂိုးနဲ့ ဦးဆောင်နိုင်ခဲ့ပါတယ်။ ဒါပေမယ့် ပထမပိုင်း မပြီးခင်မှာ JDT နောက်ခံလူ ကယ်ဗင် မဒီနာရဲ့ ဆွဲလှဲမှုကြောင့် လီယမ် ဒီလက်ပ် ပယ်နယ်တီ ရရှိခဲ့ပြီး ဂိုးသမား ဆီဟန် ဟက်ဇ်မီကို လမ်းကြောင်း လွဲအောင် ကန်သွင်းကာ ချဲလ်ဆီး အတွက် ချေပဂိုး စတင် ရယူပေးခဲ့ပါတယ်။
ဒုတိယပိုင်း မှာတော့ ဂျေမီ ဂစ်တန်စ်ကို အော်စကာ အရီဘတ်စ်က ပြစ်ဒဏ်ဘော ကျူးလွန်ခဲ့တာကြောင့် ဒုတိယမြောက် ပယ်နယ်တီ ရရှိခဲ့ပြီး ဒီလက်ပ် ကပဲ ထပ်မံ ကန်သွင်းယူခဲ့ပါတယ်။ ဒါပေမယ့် အရီဘတ်စ်က ချဲလ်ဆီး ခံစစ် တံတိုင်းနဲ့ ထိပြီး လမ်းကြောင်းပြောင်း သွားခဲ့တဲ့ ဖရီးကစ်ဂိုးနဲ့ အတူ သူ့အမှားကို ချက်ချင်း ပြန်လည် ချေပသွားခဲ့ပါတယ်။
ပွဲချိန် ၈၆ မိနစ် အရောက် မှာတော့ တိုက်စစ်မှူး ဘက်ဂျ်ဆန်က JDT အတွက် အမှတ်တရ အနိုင်ဂိုးကို သွင်းယူနိုင်ခဲ့ပြီလို့ ထင်ခဲ့ရပေမယ့် ပွဲအပြီးခါနီးမှာ အလှည့်အပြောင်း ထပ်မံ ဖြစ်ပေါ်ခဲ့ပါတယ်။ မီခိုင်လို မူဒရစ်ခ်ရဲ့ ဖြတ်တင်ဘောကို ဒီလက်ပ် ခေါင်းတိုက် ပိတ်သွင်းရာမှာ သေချာ မထိမှန်ခဲ့ပေမယ့် JDT နောက်ခံလူ ခရစ်စတီယန် ဂလောဒါနဲ့ ထိပြီး ကိုယ့်ဂိုးကိုယ် ပြန်သွင်းမိသွားခဲ့တာကြောင့် ချဲလ်ဆီးတို့ ကံကောင်းစွာ သရေတစ်မှတ် ခွဲယူနိုင်ခဲ့တာ ဖြစ်ပါတယ်။
အေစီမီလန်နဲ့ ပွဲစဉ်မှာ ကိုးလ် ပါးမား၊ ယာအို ပက်ဒရိုနဲ့ မွိုက်ဆက်စ် ကိုင်စီဒိုတို့ ပါဝင် ကစားခဲ့တာကြောင့် ဒီ ခြေစမ်းပွဲ မှာတော့ အလွန်ဆို အနေနဲ့ ဒုတိယ ဦးစားပေး အရန် ကစားသမားတွေ ကိုပဲ ပွဲထုတ်ခဲ့တာပါ။ ဒါပေမယ့်လည်း အလွန်ဆိုရဲ့ အရန် ကစားသမား တချို့ဟာ သူတို့ရဲ့ စွမ်းဆောင်ရည်ကို ထုတ်ပြနိုင်ခဲ့ကြပါတယ်။
အစ်ပ်ဆွစ်ချ်တောင်း နည်းပြဟောင်းရဲ့ တိုက်စစ်မှူး ဂန္ထဝင် လီယမ် ဒီလက်ပ်ဟာ ဂိုးကန်သွင်းမှု (၆) ကြိမ် အထိ ပြုလုပ်နိုင်ခဲ့ပြီး (၃) ကြိမ် တိုင်ထိမှန်ခဲ့ရာမှာ (၂) ဂိုး ကတော့ ပယ်နယ်တီ ကနေ ရရှိခဲ့တာ ဖြစ်ပါတယ်။ ဒီလက်ပ် အနေနဲ့ ပထမပိုင်းတည်းက တစ်ယောက်ချင်း အနေအထား ရရှိခဲ့ပေမယ့် ဂိုးသမား ဟက်ဇ်မ်ရဲ့ ကာကွယ်မှုကြောင့် ဂိုးထပ်မရခဲ့တာပါ။
သူ့ရဲ့ တိုက်စစ်တွဲဖက် နီကိုးလက်စ် ဂျက်ဆန် ကတော့ ဂိုးဖန်တီးမှု အခွင့်အရေး (၄) ကြိမ်အထိ ဖန်တီးပေးကာ ဦးဆောင်နိုင်ခဲ့ပါတယ်။ ဒီကစားသမား နှစ်ဦးစလုံးဟာ ဒီနွေရာသီမှာ စတမ်းဖို့ဒ်ဘရစ်ချ် ကနေ ထွက်ခွာဖို့ သတင်းတွေ ထွက်နေသူတွေလည်း ဖြစ်ပါတယ်။ သူတို့ရဲ့ ခြေစွမ်းအရ အပြောင်းအရွှေ့ ဖြစ်မြောက်ဖို့ အတွက် အထောက်အကူ ဖြစ်စေခဲ့ပေမယ့် နည်းပြ အလွန်ဆို ကတော့ အဓိက ခံစစ်ကြောင်း မဟုတ်ခဲ့ရင်တောင် အသင်းရဲ့ ခံစစ်ပိုင်း ကစားပုံကို ဒီထက်ပိုမို ကောင်းမွန်စေချင်မှာ သေချာပါတယ်။ JDT အသင်းဟာ ကန်သွင်းမှု ၁၂ ကြိမ် ပြုလုပ်ခဲ့ရာမှာ ၆ ကြိမ် တိုင်ထိမှန်ခဲ့ပြီး မျှော်မှန်းဂိုး (xG) ၁.၅၇ အထိ ရယူနိုင်ခဲ့တာကြောင့် ခံစစ်ပိုင်း ပြုပြင်စရာတွေ ရှိနေတာကို မီးမောင်းထိုးပြနေပါတယ်။
ချဲလ်ဆီးဟာ ပရီးမီးယားလိဂ် ရာသီသစ် အဖွင့်ပွဲစဉ် မတိုင်ခင် ရီးရဲလ်ဆိုစီဒက်နဲ့ ခြေစမ်းပွဲ ဆက်လက် ကစားရဖို့ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
